La semmene sente
La semmène sente le melfettaise voene a empazzesce tutte int’o paiaise, totte la daje è sempe nu trascurse, fàscene de chiacchiere nu chencurse. Se descorre de benne e merce funne coeme ci nè stesse alte a cusse munne: de la frasche d’alaive a Criste all’uerte, de le lampare nueve a Criste muerte, du sortegge du musceche a le Madonne, de ci vè sotte Criste a la chelonne se daisce ca nen voe’e Menzegnoere ca r’angeledde pòrtene chiù re d’oere, nen voele le meninne a Sen Gevenne ca pòrtene le pescuette appise enghenne. U tammurre nenze a la parecchiedde se sente paure da la freteceade, la trombe soene soene e se lamente chième a le sebbulche la boene gente. Po la benne drèete a mengechetutte soene re merce funne boene e brutte, re merce de Zonze, de don Vencienze, totte chièene de coere e totte sienze: soene u Conzasiegge, la Povra Roese, Viva Vencienze Zonze a do repoese! All’ùlteme u Stampate de Russine chiù dolce de zùcchere e cembrelline. Zite fresceche, menenne e vacandaje, la loppe mengiate du juvedaje, a rocchle a rocchie voene pe la strate pe fa sette sebbulche la serate: acchemmènzene da la parecchiedde e voene a fernesce a re menacedde. U zetudde fasce la gatte morte aspette la zaiete mezze a la porte apprefitte de totte chèra fodde pe strenge sotte sotte la manodde. Siccoeme ca nen zoene mattetaiene, pe d’aspettà l’assauete la mataiene, embigghie se remène tenta gente ca int’o cafè se pigghie u chemplemente: re pène de spegne e la cecchelate coeme ci se sentessere mèlate: nen se fasce stènotte economi se spenne e sciale pe l’amor de Dì. A re quatte empunte la precessioene esse che totte la devezioene, le fratielle che la torce appecciate chiène chiene acchemmenzene la sbiate, la benne mette fueche o Conzasiegge Sàlene le vaste soepe a re siegge, re feniestre s’enghiene chiène chiène pare de cape u mèure nè catene. Le uagnèuene che re mène sotte o cèrle pìgghiene re gocce cu desedèrie de chengià la cèere che la chepèete ca mente è dolce è toste coeme pèate. Le mezziere che la mezze doene endrèete la fodde ca nen voele sta quièete. Nente le checchiere se doene l’arie, le cemmelate tenghene le stratarie, le stratarie ca oene pegghiate emprieste sciammerghe e flebbauene pe re do fieste, ca pe sci nente a la precessioene seciente lire a le checchiere doene. La fremmàggiara àprene de bon’oere, de pène frisceche se sente già u addoere, pagnottelle cu tunne o pezzariedde, de miere bienche qualche beccheriedde se venghene a tratielle e a benniste ca volene mengià pe sta chiù ‹nziste. S’enghie d’affèmète lazerdezente ci voele alaisce e ci ricotta ascequente: la trombe se lamente da daffoere, avesse pacienze pe nè mezz’oere! Vecine mezzadaje, a la retrate, le fratielle meretene mezzate, fascene nu pasce ennente u alte drèete le vellesse pegghià a botte de pèete. La daje appìerse so re stesse storie: essené re statle du Pregatorie, esse la Madonne che Criste muerte ca fasce chienge pure le chiù fuerte. Appène s’a retrate, re chembène abbevescene e fascene bacchène, se sparene calcasse e battaraje Criste ave abbevesciaute, grazie a Daje; s’azzoppone guantiere e cecciatiere ad aprene re porte le vecciere. Se discene boena Pasque tutte quente ed a frennèute la Semmène Sente. D. Azzollini